QAYNAR XƏTT 1654

Xəbərdarlıqlar

Şəkil ilə kompüterə vurulan ziyan

09 Jun 2015

Son zamanlarda aşkar olunan təhlükələrdən biri şəkillər vasitəsilə kompüterlərin virusa yoluxdurulmasıdır. Belə ki, internet istifadəçilərinə göndərilən normal görünüşlü şəkillərin arxa fonunda yerləşən ziyanverici proqramlar istifadəçilərin xəbəri olmadan kompüterlərini asanlıqla sıradan çıxara bilər.

Stegosploit adlandırılan bu vasitəylə  bədniyyətlilər zərərli kodu şəklin pikselində gizlətməyə nail olurlar. Bu yolla ziyanverici proqramı gizlətməyə müvəffəq olan şəxs həmin şəkli qarşı tərəfə göndərir və istifadəçi şəkli açdığı andan etibarən kompüteri ziyanverici proqrama yoluxmuş olur.

Qeyd edək ki, bədniyyətli üçün ziyanverici proqramı şəklin pikselində gizlətmək, onu e-poçt əlavələrində, pdf və ya başqa formatda saxlamaqdan daha əlverişlidir.

Kompüterinizin bu cür virusa yoluxmaması üçün ETM  sizə naməlum e-poçt ünvanından və ya sosial şəbəkələrdə paylaşılan və ya sizə göndərilən hər şəkil formatında olan faylları açmamağınızı eləcə də, kompüterinizə yükləməməyi tövsiyə edir.

 

Mənbə: www.thehackernews.com