Elektron Təhlükəsizlik Xidməti “Kibertəhlükəsizlik üzrə maarifləndirmə ayı” çərçivəsində uşaqlar üçün “Təhlükəsiz internet mühitini yarat” şüarı altında rəsm müsabiqəsi elan edir.

Müsabiqədə iştiraka dair tələblər:

• Rəsm kibertəhlükəsizliklə əlaqəli mövzuları əhatə etməlidir;

• Müsabiqədə 10-16 yaş arası uşaqlar iştirak edə bilər;

• Müsabiqəyə bir nəfər yalnız bir rəsm göndərə bilər;

• Rəsm xüsusi proqramların köməyindən istifadə edilmədən rəngli karandaş və ya sulu boya ilə kağız üzərində çəkilməlidir;

• Rəsmin üzərində ifadə etdiyi məzmuna uyğun olaraq bir mesaj qeyd edilməlidir;

• Rəsmi göndərmək üçün son tarix 31 oktyabr 2021-ci il saat 00:00-dır.

Münsiflər heyəti tərəfindən seçilən maraqlı və kreativ rəsmlər Elektron Təhlükəsizlik Xidmətinin rəsmi “Facebook” səhifəsində paylaşılacaq.

Ən çox bəyənmə toplayan ilk 3 rəsmin sahibinə Elektron Təhlükəsizlik Xidməti tərəfindən hədiyyə və sertifikatlar təqdim olunacaq.

Hazırladığınız rəsmin skanını aşağıdakı keçidə daxil olmaqla göndərə bilərsiniz:

https://forms.gle/vkJ6hUTEC9dGgQKw7

Müsabiqə ilə bağlı suallarınız yaranarsa, +99412 493 2056 nömrəsi ilə əlaqə saxlaya və yaxud contest@cert.az e-poçt ünvanına yaza bilərsiniz.