5 noyabrda Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti (ETX) və “XXI Əsr Beynəlxalq Təhsil və İnnovasiya Mərkəzi” MMC-nin birgə təşkilatçılığı ilə məktəbin şagirdləri üçün maarifləndirmə tədbiri keçirilib.
35 nəfərin iştirak etdiyi bu tədbirin keçirilməsində məqsəd məktəblilərin kibertəhlükəsizlik sahəsində maarifləndirilməsi, onların onlayn mühitdə təhlükəsizlik qaydaları və ümumilikdə kibergigiyena qaydaları haqqında məlumatlandırılması olub.
Sözügedən tədbirdə Elektron Təhlükəsizlik Xidmətinin əməkdaşı “Kiberbullinqlə mübarizə”, “Uşaqlar üçün kibertəhlükəsizlik qaydaları”, “Fərdi məlumatların mühafizəsi”, “Şifrə təhlükəsizliyi” və “Sosial mediadan istifadə qaydaları” mövzularında çıxış edərək tədbir iştirakçılarına kibertəhlükələrdən qorunmaqla bağlı faydalı məlumatlar vermiş və bu istiqamətdə məktəblilər ilə müzakirələr aparmışdır.
