İslam Əməkdaşlıq Təşkilatının Kompüter İnsidentlərinə qarşı Mübarizə Mərkəzləri Şəbəkəsi (OIC-CERT) üzv dövlətlərin kibertəhlükəsizlik sahəsində fəaliyyət istiqamətləri və görülmüş işlər barədə “OIC-CERT 2024 ANNUAL REPORT” illik hesabatını təqdim edib.
Hesabatda Azərbaycan Respublikasının Rəqəmsal İnkişaf və Nəqliyyat Nazirliyi nəzdində fəaliyyət göstərən Elektron Təhlükəsizlik Xidmətinin (ETX) fəaliyyəti də yer alıb. Burada xidmətin 2024-cü il ərzində sahə üzrə həyata keçirdiyi tədbirlər və beynəlxalq əməkdaşlıq çərçivəsində atdığı addımlar barədə məlumatlar təqdim olunub.
Qeyd edək ki, OIC-CERT qlobal kiberməkanın təhlükəsizliyinin təmin edilməsi və İslam ölkələrinin müvafiq mərkəzləri arasında əməkdaşlığın genişləndirilməsi məqsədilə yaradılıb.
Hesabatla aşağıdakı keçid vasitəsilə tanış ola bilərsiniz: